]
الرئيسية
كل واحد فيكم يختار رقم من 1 الى 14 و يشوف الفال
ببسم الله بديت و على النبي صليت
وعلى الصحابة رضيت رفدت بريقي و توضيت
رب اعطاني ما تمنيت
1_الشميعة
يالشميعة لوكان نعرف مابيك نمسحلك ذيك الدميعة اللي جرقت خديك ويعود وجهك
مرايا ولانجمة ضوايا واللي يفهم معنايا يجي يسول عليك.
2- يالي عندك حمامة بالاك تكسرلها جناح،
و اذا الوالدين عايشين أدي دعاوي الخير و ارتاح ،
واذا عندك خليلة صونها تسقيك كيسان لرباح.
3_فلانة
يافلانة ياكحلة لعيون وين ماتكوني نرسلك مرسول اذا كنت فالبحر نرسلك عوامة
واذا كنت فالسما نرسلك حمامة وأنت يالشابة مايديك غير أنا
4_يا
قلبي لا تضيق... فرج الله قريب... اللي في السجن يطلق ربي سراحو... واللي
في الضيق ربي يفرج عليه... وان شاء الله في هذا العام يزول الضيق... وتحن
القلوب...
5_نطلب من ربي ينسيك...من هاد الهول
والاحزان...وانا والله ما نخليك...حتى يفني كل الزمان...محال انا نسمح
فيك...محال ندير من غيرك تاني...محال شيء ينسيني فيك...الف محال يا نور
عياني.
6_ قدك عاجي و خدك زجاجي لقيت سيد الملاح في زنقة الماجي صوتك يا لالة ينحي عليا الغبينة و يناجي.
7_عنـدي
أمنية راهي مسطرة في القلب،.... والدعــوة ماشي للعبد الدعـوة للرب...،
العزيز، اللطيف، الحنان المنان الحنين،... أنتوما برك قولو معايا: اللهم
أميـن…
8_خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .
9_قطّعت اللحم بيدى و عملت بذور ، و سمعت الكلام بوذنى و عرفت من قالو ،
يا قايلين الكلام القبيح واش تربحوا ، أنا طاوس في القصر و انتم خفاش
النهار ما يضوالو.
10_حليت باب الجنان لقيت الملاح رقود
تنهدت الدالية و تحرك العنقود قال القمر فالسماء نكشف على السحاب يذوب خلي
الحبيب لحبيبو و اللي في قلبو حاجة الله يبلغ المقصود .
11_علاش
يا لالا التخمام رحمة الله واسعة و كبيرة لو كان جات بالكلام نتحدثو و
نعطوك تدبيرة بصح كل شي بالمكتوب ويعيا و الخير يبان و تزول عليك الهموم و
تروح الحيرة
12_السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها
13_أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح .
14_يا
مولاة القلب الكبير ربي يعطيك و يوسع عليك ما عندك لا ذهب و لا حرير و أنت
دايما زاهية و ربي مسهلك ما دريت من حيلة ندير باش نكون مثلك .
وهذي بوقالة لكامل بنات الجزائر
قالولهــا
علاش عيونــك كحلية و رموشــك سحريـــة و جلستـــك رومانسيـــة و طلتـــك
غير منسيــة و دايماً ...رافـــعة راســك و قويــة ؟؟؟
قالت لهـــم عفــواً كلنــا بشــر ولكن أنــا جزائرية
» [تم الحل]جليدة
» اختبار تجريبي
» فحص تجريبي 1
» اشودة يوم العلم
» شهادة التعليم الابتدائي 2017 تجريبي
» توقعات شهادة التعليم الابتدائي 2017
» اختبار تقييمي شهري في مادة الرياضيات
» تمارين منقولة للفائدة في مادة الرياضيات